ფინანსთა სამინისტროს მიერ გამოქვეყნებული სტატისტიკის თანახმად, 2022 წლის 31 დეკემბრის მდგომარეობით, საქართველოს სახელმწიფო საგარეო ვალი $8.34 მილიარდია, რაც 22.54 მლრდ ლარს შეადგენს. ერთწლიან პერიოდში სახელმწიფო საგარეო ვალი დოლარში 130 მილიონით გაიზარდა, ხოლო ლარებში 2.9 მილიარდით შემცირდა. ამის მთავარი მიზეზი ეროვნული ვალუტის გამყარება იყო.
საქართველოს საგარეო ვალში პირველ ადგილზე აზიის განვითარების ბანკის კრედიტია, რომლებიც ქვეყანამ უმსხვილესი ინფრასტრუქტურული პროექტების განვითარებისთვის აიღო. მეორე ადგილზეა მსოფლიო ბანკის ჯგუფი, რომლის კრედიტებიც ასევე ძირითადად ინფრასტრუქტურულ პროექტებს ხმარდება. მესამე ადგილზეა ევროპის საინვესტიციო ბანკი.
ვისი ვალი აქვს საქართველოს – სტატისტიკა
● ADB – 2.07 მილიარდი დოლარი; ● მსოფლიო ბანკის ჯგუფი – 2 მილიარდი დოლარი; ● EIB – 920 მილიონი დოლარი; ● საფრანგეთი (AFD) – 736 მილიონი დოლარი; ● გერმანია (KFW) – 626 მილიონი დოლარი; ● მთავრობის ევრობონდი – 500 მილიონი დოლარი; ● EBRD – 237 მილიონი დოლარი; ● AIIB – 196 მილიონი დოლარი; ● IMF (მთავრობა) – 196 მილიონი დოლარი; ● იაპონია – 157 მილიონი დოლარი; ● EU – 142 მილიონი დოლარი; ● IFAD – 37 მილიონი დოლარი; ● რუსეთი – 25 მილიონი დოლარი; ● ავსტრია – 14 მილიონი დოლარი; ● ქუვეითი – 12 მილიონი დოლარი; ● ამერიკის შეერთებული შტატები – 11 მილიონი დოლარი; ● CEB – 9 მილიონი დოლარი; ● თურქეთი – 6 მილიონი დოლარი; ● ყაზახეთი – 4 მილიონი დოლარი; ● აზერბაიჯანი – 3 მილიონი დოლარი; ● სომხეთი – 3 მილიონი დოლარი; ● ირანი – 2 მილიონი დოლარი;
ამასთანავე, საქართველოს მთავრობას გამოშვებული აქვს 500 მილიონი დოლარის ევრობონდი, ხოლო ეროვნულ ბანკს აქვს IMF-ის მიმართ 428 მილიონი დოლარი მართებს.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…